Co gallo do Día de Rosalía de Castro, en 6º estivemos traballando na súa figura dende tódolos ámbitos.
Os equipos de traballo enfocáronse en distintos temas e foron elas e eles mesmos os que decidiron os produtos finais en base ás propostas, pautas e pasos dados.
Tódalas investigacións e produtos teñen a intención de ter unha relevancia dentro e fóra do colexio tanto pola explicación aos seus afillados e afilladas de 3º de Primaria como pola publicación en Calameo do contido creado e o envío deles á Fundación Rosalía.
Este material foi presentado ao alumnado de 3º de Primaria porque son padriños-afillados e foi enviado á Fundación Rosalía e compartido en redes coas institucións culturais galegas.
Foi unha actividade propia da área de Lingua Galega e abordando unha serie de Criterios de Avaliación marcados na programación didáctica.
Máis aló de todo isto, foi unha auténtica marabilla o proceso creativo desta SdA e o ben que rendiron e aprenderon as rapazas e os rapaces.
- Elaboraron unha liña do tempo cos acontecementos máis importantes da súa vida e obra.
- Descubriron a importancia de Rosalía dende un punto de vista de loita polo feminismo na actualidade.
- Crearon un Canva explicando as obras publicadas en galego en en castelán.
- Inventaron un Diario persoal nunca achado no que Rosalía conta a súa relevancia na historia e cultura de Galicia.
- Adaptaron e colgaron no corredor un anaco de Cantares Gallegos
- Adaptaron ao galego normativo actual "Contos da miña terra" ou "Conto gallego", a única obra de prosa en galego publicada por Rosalía e un conto moi breve e sinxelo de comprender.
Para ler a adaptación de "Contos da miña terra" pódese picar aquí ou na imaxe de portada.
Para ver a presentación sobre a explicación das obras pódese picar aquí.
Para ver as fotos doutros produtos finais pódese picar aquí.
Ademais incrusto o libro xusto debaixo.
Ningún comentario:
Publicar un comentario